ეკონომიკური განვითარების საქალაქო სამსახურის ინვესტიციების მოზიდვის და ხელშეწყობის განყოფილების მეორადი სტრუქტურული ერთეულის ხელმძღვანელი (განყოფილების უფროსი)

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

ეკონომიკური განვითარების საქალაქო სამსახურის ინვესტიციების მოზიდვის და ხელშეწყობის განყოფილების მეორადი სტრუქტურული ერთეულის ხელმძღვანელი

(განყოფილების უფროსი)

კონკურსის ტიპი:

შიდა კონკურსი

ორგანიზაცია:

ქ. თბილისის მუნიციპალიტეტის მერია

კატეგორია:

მართვა/მენეჯმენტი

განცხადების ბოლო ვადა:

30.10.2026

თანამდებობრივი სარგო:

4000 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

ფუნქციები:

- ეკონომიკურ გარემოსთან დაკავშირებული კანონმდებლობის შესწავლა, საკანონმდებლო ცვლილებების საჭიროებების გამოვლენა და შესაბამისი

წინადადებების შემუშავება;

- საინვესტიციო გარემოს გაუმჯობესების პოლიტიკის, სტრატეგიის, ბიუჯეტის პროექტის და სამოქმედო გეგმების შემუშავება;

- საინვესტიციო გარემოს ანალიზი და შესაძლებლობების გამოვლენა;

- საინვესტიციო გარემოს გაუმჯობესების პოლიტიკით, სტრატეგიით, მუნიციპალური ბიუჯეტით განსაზღვრული აქტივობების განხორციელების უზრუნველყოფა;

- განყოფილების ფუნქციებით გათვალისწინებული სფეროების წარმატებული პრაქტიკის კვლევა;

- კომპეტენციის ფარგლებში ეკონომიკის ცალკეული დარგების და სექტორების შესწავლა, დარგის ექსპერტებთან და კომპანიებთან თანამშრომლობით;

- ინვესტორთა საჭიროებების შესწავლა და წინადადებების მომზადება;

- ინვესტორთა ადვოკატირება;

- პოტენციური ქვეყნების და საინვესტიციო ჯგუფების შესწავლა მიზნობრივი სეგმენტის გამოსაყოფად;

- მიზნობრივ სეგმენტზე თბილისის საინვესტიციო პოტენციალის წარმოჩენა და რეკლამირება;

- უცხოელ პოტენციურ ინვესტორებთან და საინვესტიციო ფონდებთან ურთიერთობა;

- საინვესტიციო გარემოს შესახებ და ინვესტირებისათვის საჭირო სხვა ინფორმაციის მოძიება, დამუშავება და შესაბამისი ანალიზის გაკეთება;

- კერძო სექტორში არსებული საინვესტიციო შეთავაზებების მოძიება და შესაბამისი ანალიზის გაკეთება;

- საინვესტიციო შეთავაზებების შესაქმნელად შესაბამისი კვლევების ჩატარება დამოუკიდებლად ან მესამე პირების მეშვეობით;

- მუნიციპალური ქონების მონაწილეობით ან მათ გარეშე საინვესტიციო პროექტების შექმნა, განხორციელება და მართვა;

- განყოფილების ფუნქციებით გათვალისწინებულ საქმიანობასთან დაკავშირებული ბაზების და ელექტრონული პორტალების შექმნის კონტროლი

და ზედამხედველობა;

- საერთაშორისო და ადგილობრივ რეიტინგებში ქალაქის წარმოჩენის ღონისძიებების დაგეგმვა და გატარება;

- ტურიზმის განვითარებასთან დაკავშირებული კანონმდებლობის შესწავლა, საკანონმდებლო ცვლილებების საჭიროებების გამოვლენა და

შესაბამისი წინადადებების შემუშავება;

- ტურიზმის განვითარების პოლიტიკის, სტრატეგიისა და სამოქმედო გეგმების შემუშავება ტურისტული გარემოს ანალიზი და შესაძლებლობების გამოვლენა;

- ტურიზმის განვითარების პოლიტიკით, სტრატეგიით და ბიუჯეტით განსაზღვრული აქტივობების განხორციელების უზრუნველყოფა;

- ტურიზმის განვითარების ხელშემწყობი ფორუმების, გამოფენების და სხვა ღონისძიებების ორგანიზება და მონაწილეობის მიღება ადგილობრივ და

საერთაშორისო დონეზე;

- სამიზნე ბაზრების განსაზღვრა ტურისტული ნაკადების მოსაზიდად;

- ქალაქის ბრენდინგის სტრატეგიის შემუშავება და ქალაქის პოზიციონირება მიზნობრივ ბაზრებზე; ტურისტული ელექტრონული პორტალის შექმნა

და მათი ადმინისტრირება;

- ტურიზმის სფეროში სამეწარმეო უნარ-ჩვევების განვითარების ხელშემწყობი ღონისძიებების განხორციელება;

- ტურიზმის სფეროში სამუშაო ადგილების შექმნის ხელშემწყობი პროექტების წახალისების მექანიზმების შემუშავება და განხორციელება;

- ტურისტული პროდუქტების შექმნა და მათი პოპულარიზაცია;

- ტურიზმის განვითარებასთან დაკავშირებული საჭირო ინფორმაციის მოძიება, აღწერა და შესაბამისი ბაზების ადმინისტრირება;

- ტურიზმის ბიზნესის და მის კლასტერში შემავალი საწარმოების რეესტრის შექმნა და ადმინისტრირება;

- ტურიზმის სფეროში ახალი ტექნოლოგიებისა და ინოვაციური მიდგომების განვითარების ხელშეწყობა;

- მცირე ტურისტული ინფრასტრუქტურის შექმნის ინიცირება ან შექმნა;

- ტურისტულად აქტიური ქუჩებისა და უბნების მონიტორინგი არსებული ინფრასტრუქტურის გაუმჯობესების და ახალი ინფრასტრუქტურის შექმნის რეკომენდაციების შემუშავების მიზნით;

- სამსახურის უფროსის მოადგილის, სამსახურის უფროსის ან ზემდგომის დავალებით სამსახურის ფუნქციებით გათვალისწინებული სხვადასხვა ღონისძიებების და აქტივობების განხორციელება;

- ხელმძღვანელობის სხვა დავალებების შესრულება.

მინიმალური განათლება:

უმაღლესი განათლება

სამუშაო გამოცდილება:

2 წელი

საკონკურსო თემატიკა:

- საქართველოს კონსტიტუცია;

- ევროპული ქარტია „ადგილობრივი თვითმმართველობის შესახებ“;

- საქართველოს ორგანული კანონი „ადგილობრივი თვითმმართველობის კოდექსი“;

- საქართველოს ზოგადი ადმინისტრაციული კოდექსი(III თავი);

- საქართველოს კანონი „საჯარო სამსახურის შესახებ“;

- ქალაქ თბილისის მუნიციპალიტეტის მერიის დებულების დამტკიცების შესახებ’’ ქალაქ თბილისის მუნიციპალიტეტის საკრებულოს 2014 წლის 22 დეკემბრის №19 - 58 დადგენილება;

- ,,ქალაქ თბილისის მუნიციპალიტეტის მერიის ეკონომიკური განვითარების საქალაქო სამსახურის დებულების დამტკიცების შესახებ’’ ქალაქ თბილისის მუნიციპალიტეტის საკრებულოს 2025 წლის 28 თებერვლის №52-17 დადგენილება.

საკონკურსო კომისიის მისამართი:

ქ. თბილისი, ჟ. შარტავას N 7

საკონტაქტო ტელეფონები:

+995591408664

საკონტაქტო პირი:

ადამიანური რესურსების მართვის სამსახურის წარმომადგენელი

დამატებითი მოთხოვნები:

სავალდებულოა 2 წლიანი სამუშაო გამოცდილება ბიზნეს ადმინისტრირების სფეროში, კერძოდ ბიზნეს პროექტების დაგეგმვა/მართვა, ფინანსები ეკონომიკა ან ტურიზმის მიმართულებით.

სავალდებულოა ინგლისური ან/და სხვა უცხო ენის ცოდნის დონე ვერბარული -B2, წერითი - B2.

სასურველია MS Project, MS Visio საოფისე კომპიუტერული პროგრამების ცოდნა, ასევე MSDA - ელექტრონულ დოკუმენტბრუნვის პროგრამის სამომხმარებლო დონეზე ცოდნა.

კომპეტენციები და უნარები:

- ეფექტური კომუნიკაციისა და მოლაპარაკებების წარმართვის უნარი;

- კომპლექსური აზროვნების უნარი;

- სტრუქტურული ერთეულისა და ინდივიდუალური ამოცანების დასახვის უნარი;

- ცვლილებების ინიციირებისა და მართვის უნარი;

- თათბირებისა და შეხვედრების წარმართვის უნარი;

- მოხელის პროფესიული განვითარების, შეფასებისა და მოტივირების უნარი;

- პრობლემების გადაჭრისა და კონფლიქტების მართვის უნარი;

- გუნდის განვითარების უნარი.

დამატებითი ინფორმაცია:

• ქალაქ თბილისის მუნიციპალიტეტის მერიის მასშტაბით მოხელეთა კარიერული განვითარების მიზნით, გამოცხადდეს შიდა კონკურსი:

- შიდა კონკურსი ცხადდება პროფესიული საჯარო მოხელის ვაკანტური თანამდებობის დასაკავებლად, კარიერული განვითარების მიზნით.

- შიდა კონკურსში მონაწილეობის უფლება არ აქვს რეზერვში ჩარიცხულ პირს და შრომითი ხელშეკრულებით დასაქმებულ პირს.

- შიდა კონკურსში აუცილებელია კანდიდატმა ატვირთოს ცნობა, რომლითაც დასტურდება, რომ იგი არის მოქმედი პროფესიული საჯარო მოხელის სტატუსის მქონე პირი.

• სავალდებულოა კანდიდატმა შესაბამის ველში ატვირთოს:

ა) განათლების დამადასტურებელი დოკუმენტი;

ბ) უცხოეთში მიღებული განათლების შემთხვევაში, სავალდებულოა აპლიკანტმა ატვირთოს სსიპ „განათლების ხარისხის განვითარების ეროვნული ცენტრის“ მიერ გაცემული დოკუმენტი უცხოეთში მიღებული განათლების აღიარების თაობაზე;

გ) სამოტივაციო წერილი, სადაც კანდიდატის მიერ ნათლად უნდა იყოს განხილული კონკრეტულ თანამდებობაზე დასაქმების მოტივაცია.

დ) სამუშაო გამოცდილების დამადასტურებელი, სათანადოდ გაფორმებული დოკუმენტი − შრომის წიგნაკი (არსებობის შემთხვევაში) ან უფლებამოსილი ორგანოს მიერ გაცემული ცნობა, რომელშიც ასახული იქნება სამსახურის დაწყების და დასრულების სრული თარიღები და დაკავებული თანამდებობა.

• დოკუმენტები წარდგენილი უნდა იქნეს სახელმწიფო ენაზე (უცხოურენოვანი საბუთის შემთხვევაში საჭიროა მისი ნოტარიულად დამოწმებული თარგმანის წარდგენა). საბუთების არასრულყოფილად წარდგენის შემთხვევაში კანდიდატი გასაუბრებაზე არ დაიშვება.

გადაწყვეტილების მიღების ფორმა და ვადა:

კომისია ვალდებულია საბოლოო გადაწყვეტილება მიიღოს, ქულათა სისტემის საფუძველზე, განაცხადების წარდგენის ვადის დასრულებიდან არაუგვიანეს 3 თვის ვადაში.