დამფუძნებლის თანაშემწე

"Mindor" აცხადებს ვაკანსიას Founder`s Associate (დამფუძნებლის მარჯვენა ხელი) პოზიციაზე.

"Mindor" ნერვული სისტემის ფიტნესის ქართული ბრენდია, რომელსაც ჰყავს 15, 000+ მომხმარებელი და 100, 000+ გამომწერი.

ვეძებთ ჭკვიან, მოტივირებულ და სწრაფად შემსწავლელ ადამიანს, რომელიც უშუალოდ დამფუძნებელთან იმუშავებს. შეიძლება იყო უნივერსიტეტის ბოლო კურსზე ან კარიერის დასაწყისში. ფორმალური სამუშაო გამოცდილება აუცილებელი არ არის.

ჩვენთვის უფრო მნიშვნელოვანია, შეგიძლია თუ არა:

• რთული საკითხების სწრაფად სწავლა;
• უცნობ პრობლემებზე მკაფიოდ აზროვნება;
• პასუხისმგებლობის საკუთარ თავზე აღება;
• საქმის ბოლომდე მიყვანა;
• პირდაპირი უკუკავშირის მიღება და გამოყენება.

რას გააკეთებ:

უმეტეს შემთხვევაში მიიღებ გადასაჭრელ პრობლემას და არა დეტალურ ინსტრუქციას. პრობლემები შეიძლება ეხებოდეს მარკეტინგს, პროდუქტს, მომხმარებლებს, ვებსაიტს, ოპერაციებს, კვლევას, ტექნოლოგიას ან ახალ პროექტებს. შენი საქმე იქნება გაერკვე, იპოვო გამოსავალი და განახორციელო ის.

ხშირად მოგიწევს:

• უცნობი საკითხის სწრაფად შესწავლა;
• ბუნდოვანი პრობლემის მარტივ ნაწილებად დაყოფა;
• პრაქტიკული გამოსავლის მოძებნა;
• პროექტის ორგანიზება და ბოლომდე მიყვანა;
• არაეფექტური პროცესების გაუმჯობესება;
• AI-ისა და სხვა ციფრული ინსტრუმენტების გამოყენება;
• დამფუძნებლის იდეების კონკრეტულ შედეგებად გარდაქმნა.

ვის ვეძებთ:

ეს პოზიცია განსაკუთრებით შეგეფერება, თუ:

• შენს გარშემო ადამიანებზე სწრაფად სწავლობ;
• ბუნებრივად ცნობისმოყვარე ხარ და საკითხებში ღრმად გარკვევა გიყვარს;
• საიმედოდ ასრულებ იმას, რაზეც პასუხისმგებლობას იღებ;
• არ გაკმაყოფილებს საშუალო ხარისხის შედეგი;
• ხარ მეგობრული, გუნდური და არაკონფლიქტური;
• შეგიძლია მოისმინო "ეს საკმარისად კარგი არ არის" ისე, რომ პირად შეურაცხყოფად არ მიიღო;
• შეგიძლია მკაფიო წერილობითი და სიტყვიერი კომუნიკაცია ქართულად;
• ინგლისური იცი მინიმუმ B2 დონეზე და შეგიძლია ინგლისურენოვანი მასალით დამოუკიდებლად სწავლა.

ჩვენთვის მნიშვნელოვანია რეალური ნიშნები იმისა, რომ გაქვს სწავლის უნარი, ინიციატივა, მაღალი შრომის კულტურა და ინტელექტუალური თავმდაბლობა. ამის მტკიცებულება შეიძლება იყოს:

• ოლიმპიადა ან აკადემიური მიღწევა;
• პროგრამირება ან ტექნიკური პროექტი;
• კვლევაში მონაწილეობა;
• საკუთარი პროექტის, ბიზნესის ან კომუნითის შექმნა;
• რთული უნარის დამოუკიდებლად შესწავლა;
• ნებისმიერ სფეროში იმაზე მეტის გაკეთება, ვიდრე მოგეთხოვებოდა.

ეს როლი შეიძლება შენთვის არ იყოს, თუ გჭირდება მუდმივად დეტალური ინსტრუქციები, არ მოგწონს პირდაპირი უკუკავშირი, ხშირად ტოვებ საქმეს დაუმთავრებელს ან გირჩევნია მკაფიოდ განსაზღვრული, განმეორებადი სამუშაო.

რას მიიღებ:

• როლი ამ ეტაპზე სრულად დისტანციურია, თუმცა მომავალში შესაძლოა გახდეს ჰიბრიდული;
• იმუშავებ უშუალოდ "Mindor"-ის დამფუძნებელთან და მიიღებ პრაქტიკულ გამოცდილებას ბიზნესის სხვადასხვა მიმართულებაში, მათ შორის მარკეტინგში, პროდუქტში, ოპერაციებში, ტექნოლოგიასა და ახალ პროექტებში;
• მიიღებ რეალურ პრობლემებს, მნიშვნელოვან პასუხისმგებლობას და პოზიციური წინსვლის შესაძლებლობას შენი ზრდის ტემპის მიხედვით;
• ანაზღაურება შეთანხმებადია და დამოკიდებულია სამუშაო დატვირთვაზე;
• შესაძლოა პოზიციაზე ერთზე მეტი კანდიდატი შევარჩიოთ.

განაცხადის გასაკეთებლად:

გამოგვიგზავნე CV მისამართზე: info@mindor.ge და დაურთე პასუხი კითხვაზე:

"რა არის ყველაზე რთული რამ, რაც ბოლო 2-3 წლის განმავლობაში დამოუკიდებლად ისწავლე ან გააკეთე? რატომ ფიქრობ, რომ ეს შენი შესაძლებლობების ძლიერი მტკიცებულებაა?"