ბენეფიციარებთან კომუნიკაციის მენეჯერი / მოხალისე

საქველმოქმედო ფონდი „ერთად შევცვალოთ სამყარო“ ეძებს გუნდის ახალ წევრს ბენეფიციარებთან კომუნიკაციის მენეჯერის პოზიციაზე.

ფონდის შესახებჩვენი ფონდის საქმიანობა მთლიანად ბავშვების ჯანმრთელობაზე ზრუნვას ემსახურება — მედიკამენტებისა და ოპერაციების დაფინანსების გზით.

ფონდის ყველა პროცესსა და აქტივობას მოხალისეები მართავენ. ჩვენ არ გვაქვს საოპერაციო ხარჯები: არავინ იღებს ხელფასს, არ ვფარავთ მივლინების ხარჯებს და არ ვყიდულობთ მომსახურებებს. საჭიროების შემთხვევაში, ორგანიზაციულ ხარჯებს თავად მოხალისეები საკუთარი სახსრებით აფინანსებენ.

ეს ნიშნავს, რომ შემოწირულებების 100% ბავშვების დახმარებას ხმარდება.

ფონდის შესახებ მეტი ინფორმაციისთვის ეწვიეთ ჩვენს ვებგვერდს: დამსაქმებლის გვერდის ნახვა

ვის ვეძებთ?

• ვეძებთ ემპათიურ, ყურადღებიან და პასუხისმგებლიან ადამიანს, რომელსაც უყვარს ადამიანებთან ურთიერთობა, შეუძლია მათი საჭიროებების მოსმენა და სურს საკუთარი დრო და ენერგია ბავშვების დახმარებას მოახმაროს.
• თუ შეგიძლია ადამიანებთან გულწრფელი კომუნიკაცია, გსიამოვნებს პრობლემების გადაჭრის გზების ძიება და გინდა გახდე იმ პროცესის ნაწილი, რომელიც ბავშვებს მკურნალობის შესაძლებლობის მიღებაში ეხმარება, შემოუერთდი ჩვენს გუნდს!
• ბენეფიციარებთან კომუნიკაციის მენეჯერი (მოხალისე)
• სამუშაო ფორმატი: სრულად დისტანციური
• დატვირთვა: დღეში საშუალოდ 1 საათამდე
• გრაფიკი: მოქნილი, თავსებადი სწავლასთან ან ძირითად სამსახურთან
• ანაზღაურება: მოხალისეობრივი, ანაზღაურების გარეშე

ძირითადი ფუნქციები და მოვალეობები

• დახმარების მსურველი ბავშვების მშობლებთან ან კანონიერ წარმომადგენლებთან პირველადი კომუნიკაცია;
• ოჯახების საჭიროებების მოსმენა და ბენეფიციარების შესახებ ძირითადი ინფორმაციის შეგროვება;
• სამედიცინო დოკუმენტაციის, დიაგნოზის, მკურნალობის გეგმისა და შესაბამისი ხარჯთაღრიცხვის მოთხოვნა და შეგროვება;
• მიღებული ინფორმაციისა და დოკუმენტების მოწესრიგება, სისრულის შემოწმება და საჭიროების შემთხვევაში დამატებითი ინფორმაციის გამოთხოვა;
• ბენეფიციარის საჭიროებების იდენტიფიცირება და ფონდის გუნდთან ერთად დახმარების შესაძლებლობების განხილვაში მონაწილეობა;
• ბენეფიციარებისთვის ფონდის მუშაობის პროცესისა და დახმარების მიღების ეტაპების გასაგებად ახსნა;
• ბენეფიციარებთან რეგულარული კომუნიკაცია და მათი ინფორმირება განაცხადის განხილვისა და დახმარების პროცესის მიმდინარეობის შესახებ;
• ბენეფიციარების პერსონალური და სამედიცინო ინფორმაციის კონფიდენციალურობის დაცვა;
• ფონდის სხვა მოხალისეებთან თანამშრომლობა, რათა ბავშვების დახმარების პროცესი იყოს ორგანიზებული, გამჭვირვალე და ეფექტიანი.

რას ველით შენგან?

• ემპათიასა და გულისხმიერებას
• კონფიდენციალური ინფორმაციის დაცვის მნიშვნელობის გაცნობიერებას;
• ორგანიზებულობას, მოთმინებასა და დამოუკიდებლად მუშაობის უნარს;
• გულწრფელ სურვილს, საკუთარი დრო და შესაძლებლობები ბავშვების დახმარებას მოახმარო.

ჩვენ გთავაზობთ

• უპირველეს ყოვლისა, ბევრ სითბოს, სიყვარულსა და ბენეფიციარების მადლიერებით სავსე უკუკავშირს.
• ასევე, მეგობრულ და მხარდამჭერ გარემოს, სადაც შეძლებ ადამიანებისთვის მნიშვნელოვან მომენტებში დახმარების გაწევას, რეალური პასუხისმგებლობის აღებას და საქველმოქმედო საქმიანობის სრულ პროცესში მონაწილეობას.
• შენი ერთი ზარი, ყურადღებით მოსმენილი ისტორია და დროულად გაწეული დახმარება შეიძლება მნიშვნელოვანი ნაბიჯი გახდეს ბავშვის მკურნალობისკენ.

რას გაძლევს მოხალისეობა?

• სოციალური გავლენა
• პრაქტიკული გამოცდილება
• პროფესიული განვითარება
• ახალი კავშირები
• რეკომენდაცია
• პიროვნული გამოცდილება

როგორ შემოგვიერთდე?

თუ გინდა, რომ შენი ყურადღება, გულისხმიერება და კომუნიკაციის უნარები ბავშვების დახმარებას მოახმარო, გამოგვიგზავნე შენი რეზიუმე შემდეგ მისამართზე:

info@changetheworld.ge

ელფოსტის სათაურში მიუთითე: „ბენეფიციარებთან კომუნიკაციის მენეჯერი (მოხალისე)“

ერთად შევცვალოთ სამყარო - ერთი საუბრით, ერთი კეთილი საქმით, ერთი ბავშვის უკეთესი მომავლით!