ავტოპარკის სპეციალისტი- ფოთი

სს „ნიკორა ტრეიდი“ - საქართველოს საცალო ვაჭრობის ერთ-ერთი უმსხვილესი და ყველაზე სწრაფად მზარდი კომპანიაა. ჩვენ პირველებმა დავამკვიდრეთ სუპერმარკეტების ქსელის კულტურა საქართველოში და საფუძველი ჩავუყარეთ ქვეყნის რითეილ სექტორის განვითარებას.

წარმატების ისტორია 2000 წელს დაიწყო და დღეს ვაერთიანებთ ორი ბრენდის -„ნიკორა სუპერმარკეტის“ და „ლიბრეს“ 650-ზე მეტ სავაჭრო ფილიალს მთელი საქართველოს მასშტაბით. მომხმარებლების ყოველდღიურ ცხოვრებაში ვქმნით ხარისხზე, ხელმისაწვდომობასა და კომფორტზე დაფუძნებულ გამოცდილებას. მუდმივი ზრდა და ინოვაციები გვაძლევს საშუალებას, დავრჩეთ ლიდერ პოზიციაზე და განვავითაროთ თანამედროვე სავაჭრო სტანდარტები საქართველოს მასშტაბით.

სს „ნიკორა ტრეიდი“ დღეს 8500-ზე მეტ ადამიანს აერთიანებს, რაც კომპანიას საქართველოს ერთ-ერთ უმსხვილეს დამსაქმებლად აქცევს. ჩვენ გვჯერა, რომ წარმატებას ქმნიან ადამიანები და სწორედ ამიტომ, ჩვენთვის თითოეული თანამშრომელი კომპანიის ყველაზე დიდი ღირებულებაა.

შემოგვიერთდი „ნიკორა ტრეიდში“ - კომპანიაში, სადაც პატივისცემა, პასუხისმგებლობა, მომხმარებელზე ორიენტაცია, სტაბილურობა და გაუმჯობესებისკენ სწრაფვა ერთიანდება საერთო მიზნის მისაღწევად - გავაგრძელოთ პირველობის ისტორია.

სს "ნიკორა ტრეიდი" აცხადებს ვაკანსიას ავტოპარკის სპეციალისტის პოზიციაზე ქ. ფოთში

ვეძებთ პასუხისმგებლიან, ორგანიზებულ და ტექნიკურად კომპეტენტურ თანამშრომელს, რომელიც უზრუნველყოფს ფოთისა და ბათუმის ავტოპარკის ტექნიკური მდგომარეობის კონტროლს, ავტომობილებში წარმოქმნილ პრობლემებზე დროულ რეაგირებასა და სახელოსნოებთან სამუშაო პროცესის კოორდინაციას.

ძირითადი მოვალეობები

• ფოთისა და ბათუმის ავტოპარკში არსებული ავტომობილების ტექნიკური მდგომარეობისა და გამართულობის კონტროლი.
• დაქვემდებარებაში არსებული ავტომობილების ტექნიკური ინსპექტირების ვადების კონტროლი და ინსპექტირების დროულად ჩატარების უზრუნველყოფა.
• ავტომობილებში ზეთის შეცვლის პერიოდულობისა და მომდევნო შეცვლის თარიღების კონტროლი.
• ავტომობილების ტექნიკური მომსახურების ვადების აღრიცხვა და შესაბამისი ღონისძიებების დროულად დაგეგმვა.
• ავტომობილებში წარმოქმნილ ტექნიკურ პრობლემებზე დროული რეაგირება და მათი აღმოფხვრის პროცესის კოორდინაცია.
• სახელოსნოებიდან წარმოდგენილი ზედნადებების კონტროლი და შესრულებული სამუშაოების შესაბამისობის შემოწმება ავტომობილის რეალურ ტექნიკურ საჭიროებებთან.
• ტექნიკური პრობლემის მქონე ავტომობილების სახელოსნომდე მიყვანის ორგანიზება და უზრუნველყოფა.
• სახელოსნოებთან კომუნიკაცია და სარემონტო სამუშაოების მიმდინარეობისა და ხარისხის მონიტორინგი.
• ავტოპარკის ტექნიკური მომსახურების შესახებ ინფორმაციის სისტემატიზაცია და საჭირო ჩანაწერების წარმოება.

საკვალიფიკაციო მოთხოვნები

• B კატეგორიის მართვის მოწმობის ქონა აუცილებელია.
• C კატეგორიის მართვის მოწმობა ჩაითვლება უპირატესობად.
• ავტომობილების ტექნიკური მოწყობილობისა და გავრცელებული გაუმართაობების ცოდნა.
• ავტომობილების ტექნიკური მომსახურების პერიოდულობის, ტექინსპექტირებისა და ზეთის შეცვლის ვადების კონტროლის უნარი.
• ტექნიკური პრობლემების დროულად იდენტიფიცირებისა და შესაბამისი რეაგირების უნარი.
• პასუხისმგებლობის მაღალი გრძნობა, ორგანიზებულობა და კომუნიკაციის უნარი.
• საკუთარი ავტომობილის ქონა აუცილებელია.

სამუშაო პირობები

• სამუშაო ლოკაციები: ფოთი და ბათუმი.
• სამუშაო საათები: 09:00–17:00.
• დასვენების დღე: ყოველი მეორე შაბათი.
• საწვავი: თანამშრომელს გამოეყოფა საწვავის ლიმიტი სამსახურებრივი საჭიროებებისთვის.
• თვიური ანაზღაურება: 2 200 ლარი

სს „ნიკორა ტრეიდი“ ხელმძღვანელობს თანასწორი შესაძლებლობების, მრავალფეროვნებისა და ინკლუზიურობის პრინციპებით და ემიჯნება ნებისმიერი სახის დისკრიმინაციას, როგორც წინასახელშეკრულებო ეტაპზე, ასევე შრომითი ურთიერთობის მთელი პერიოდის განმავლობაში და უზრუნველყოფს თანაბარ შესაძლებლობებს ყველა კანდიდატისა თუ თანამშრომლისთვის.