არქიტექტორი (შრომითი ხელშეკრულებით დასაქმებული პირი)

პოზიციის დასახელება:

არქიტექტორი (შრომითი ხელშეკრულებით დასაქმებული პირი)

კონკურსის ტიპი:

სხვა

ორგანიზაცია:

სსიპ - საქართველოს კულტურული მემკვიდრეობის დაცვის ეროვნული სააგენტო

ორგანიზაციის შესახებ:

საქართველოს კულტურული მემკვიდრეობის დაცვის ეროვნული სააგენტო არის საჯარო სამართლის იურიდიული პირი, რომელიც კომპეტენციის ფარგლებში, იცავს, შეისწავლის და პოპულარიზაციას უწევს საქართველოს კულტურულ მემკვიდრეობას.

სააგენტო გამოირჩევა ძლიერი ორგანიზაციული კულტურით, რომელიც დაფუძნებულია პროფესიონალიზმსა და თანამშრომლობაზე. ჩვენი ფასეულობებიდან გამომდინარე, ერთად ვქმნით ისეთ ჯანსაღ ორგანიზაციულ კლიმატს, რომელიც ყველა თანამშრომლისთვის აყალიბებს განვითარებაზე ორიენტირებულ გუნდურ, მეგობრულ, კომფორტულ სამუშაო გარემოს და აერთიანებს საერთო მიზნების მისაღწევად.

სააგენტოს შესახებ დეტალური ინფორმაცია შეგიძლიათ იხილოთ ვებგვერდზე www.heritagesites.ge — ბმულის გახსნა

კატეგორია:

არქიტექტურა

განცხადების ბოლო ვადა:

12.10.2026

თანამდებობრივი სარგო:

2800 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

6 თვე

ფუნქციები:

• კულტურული მემკვიდრეობის ძეგლზე ჩასატარებელი სამუშაოების საპროექტო-სახარჯთაღრიცხვო დოკუმენტაციის შედგენისა და ფიზიკური სამუშაოების მომსახურების შესყიდვისათვის საჭირო ტექნიკური დავალების მომზადება;
• მიმწოდებლის მიერ წარმოდგენილი საპროექტო-სახარჯთაღრიცხვო დოკუმენტაციის ტექნიკური დავალების მოთხოვნებთან შესაბამისობის შემოწმება და შესაბამისი დასკვნის მომზადება წერილობითი ფორმით;
• მიმწოდებლის მიერ წარმოდგენილი დოკუმენტაციის საშემსრულებლო ხარისხის კონტროლი; შემსრულებელთათვის კონსულტაციების გაწევა, დოკუმენტაციის განხილვის შედეგად გამოვლენილი ხარვეზების გამოსასწორებლად;
• მიმწოდებლის მიერ წარმოდგენილი საპროექტო-სახარჯთაღრიცხვო დოკუმენტაციის მიღება-ჩაბარებისა და ინსპექტირების დოკუმენტების შედგენა;
• კულტურული მემკვიდრეობის ძეგლების მდგომარეობის ადგილზე შესწავლა-შეფასება, მივლინების ანგარიშის შედგენა და წინადადებების მომზადება, ძეგლის მდგომარეობის გათვალისწინებით ჩასატარებელ სამუშაოებთან დაკავშირებით;
• ძეგლის გადაუდებელი საკონსერვაციო საპროექტო დოკუმენტაციის მომზადებაში მონაწილეობის მიღება;
• სარეაბილიტაციო ძეგლთა ნუსხის შედგენაში მონაწილეობა.

მინიმალური განათლება:

ბაკალავრი

სამუშაო გამოცდილება:

2 წელი

პროფესია:

არქიტექტორი

საკონკურსო თემატიკა:

• „კულტურული მემკვიდრეობის შესახებ“ საქართველოს კანონი;
• საქართველოს კანონი „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“.

საკონკურსო კომისიის მისამართი:

ქალაქი თბილისი, დავით აღმაშენებლის გამზირი №79

საკონტაქტო ტელეფონები:

599146132

დამატებითი მოთხოვნები:

- არქიტექტორად მუშაობის არანაკლებ 2 წლიანი სამუშაო გამოცდილება.

პოზიციისთვის საკვანძო კომპეტენციები:

• ეფექტური კომუნიკაციისა და მოლაპარაკების წარმართვის უნარი;
• საქმის დაგეგმვისა და ორგანიზების უნარი;
• ინფორმაციის შეგროვებისა და ანალიზის უნარი;
• დეტალებზე ორიენტირების უნარი;
• გადაწყვეტილების სწრაფად მიღების უნარი.

დამატებითი ინფორმაცია:

აუცილებელია კანდიდატმა განაცხადის შევსების დროს „ჩემი რეზიუმე"-ს შესაბამის გრაფაში ატვირთოს:

- განათლების დამადასტურებელი დოკუმენტის ასლი; განათლების დამადასტურებელი დოკუმენტი წარმოდგენილი უნდა იყოს სახელმწიფო ენაზე;

- სამუშაო გამოცდილების დამადასტურებელი დოკუმენტი;

- მინიმუმ 1 რეკომენდატორის სახელი, გვარი, სამუშაო ადგილი, თანამდებობა და საკონტაქტო ინფორმაცია.

მნიშვნელოვანია, კანდიდატმა სამუშაო გამოცდილების ველში შეავსოს გრაფა „სამუშაოს აღწერილობა".

გადაწყვეტილების მიღების ფორმა და ვადა:

- საბოლოო გადაწყვეტილება მიიღება საკონკურსო კომისიის მიერ ქულათა სისტემის საფუძველზე, განაცხადის მიღების ვადის დასრულებიდან არაუგვიანეს 3 თვის ვადაში.