აგრონომი

"საქართველოს ეროვნული ბოტანიკური ბაღი" არის კულტურული მემკვიდრეობის ძეგლი, სამეცნიერო-კვლევითი, ეკოსაგანმანათლებლო დაწესებულება, რომელიც დედაქალაქის ერთ-ერთი გამორჩეული ღირსშესანიშნაობაა.

ა (ა)იპ "საქართველოს ეროვნული ბოტანიკური ბაღი" აცხადებს ვაკანსიას დეკორატიულ მცენარეთა კოლექციების და ბაღის გაფორმების განყოფილებაში აგრონომის პოზიციაზე.

სამუშაო ადგილი: ქ. თბილისი, ბოტანიკურის ქ. #1

სამუშაო გრაფიკი: სრული, ორშაბათი-პარასკევი 08:30-17:30

ანაზღაურება: 1760 ლარი (დარიცხული)*

*შენიშვნა: დარიცხულ თანამდებობრივ სარგოს აკლდება საქართველოს კანონმდებლობით გათვალისწინებული გადასახადები.

ფუნქცია-მოვალეობები:

• ბაღის დეკორატიული გაფორმების, ყვავილოვანი დიზაინისა და ნაკვეთების მოვლა-განახლების დაგეგმვა;
• საკოლექციო და დეკორატიულ ნაკვეთებზე აგროტექნიკური სამუშაოების წარმართვა და მცენარეთა მოვლის უზრუნველყოფა;
• მცენარეთა მავნებელ-დაავადებების დროული იდენტიფიცირება და მცენარეთა დაცვის ღონისძიებების გატარება;
• მებაღეების საქმიანობის კოორდინაცია, სამუშაოების გადანაწილება და პროცესის მეთვალყურეობა.

საკვალიფიკაციო მოთხოვნები:

• უმაღლესი განათლება აგრონომიის, მებაღეობის ან მცენარეთა დაცვის მიმართულებით;
• მსგავს პოზიციაზე მუშაობის მინიმუმ 2-წლიანი გამოცდილება (აუცილებელია მცენარეთა მოვლა-მოყვანისა და აგროტექნიკური სამუშაოების პრაქტიკული გამოცდილება);
• სასურველია დამატებითი პროფესიული კურსები მცენარეთა დაცვის, სასუქების გამოყენების, სარწყავი სისტემების ან სანერგე მეურნეობის მიმართულებით;
• საოფისე კომპიუტერული პროგრამების (MS Office) საბაზისო დონეზე ცოდნა.

პიროვნული უნარები:

• გუნდური მუშაობის, მართვისა და დროის ეფექტურად განაწილების უნარი;
• ორგანიზებულობა, დეტალებზე ორიენტირებულობა და პასუხისმგებლობის მაღალი გრძნობა;
• საბაღე ინვენტართან და აქტიურ სამუშაო გარემოში მუშაობის უნარი.

ჩვენ გთავაზობთ:

• სასიამოვნო სამუშაო გარემოს;
• კარიერული და პროფესიული წინსვლის პერსპექტივას.

შერჩევის მეთოდები:

• სატელეფონო გასაუბრება;
• ინდივიდუალური გასაუბრება.

როგორ მიიღოთ მონაწილეობა:

დაინტერესების შემთხვევაში, გთხოვთ, გამოგზავნოთ რეზიუმე (CV) შემდეგ ელექტრონულ მისამართზე Hr@nbgg.ge 2026 წლის 21 ოქტომბრის ჩათვლით.

მნიშვნელოვანია: გთხოვთ, სათაურის ველში "subject"-ში მიუთითოთ პოზიციის დასახელება (აგრონომი).

• * გაცნობებთ, რომ ა (ა)იპ საქართველოს ეროვნული ბოტანიკური ბაღის (ს/ნ 404405960) მიერ, თქვენი პერსონალური მონაცემები მუშავდება, მათ შორის, ხდება მათი შეგროვება, გადამოწმება და შენახვა თქვენი განაცხადის განხილვისა და კანდიდატთა შერჩევა/დასაქმებისთვის საჭირო პროცედურების წარმართვის მიზნით, "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად.

თქვენი განაცხადი/CV და მასში მოცემული პერსონალური მონაცემები, კანონმდებლობით დადგენილი მოთხოვნებიდან გამომდინარე, მათ შორის, კონკურსის შედეგებთან დაკავშირებით სამართლებრივი დავის პროცესის უზრუნველყოფის მიზნით, ჩვენ მიერ შეინახება კონკურსის დასრულებიდან 1 წლის განმავლობაში.

დამატებით გაცნობებთ, რომ თქვენთვის უზრუნველყოფილია "პერსონალურ მონაცემთა დაცვის შესახებ" საქართველოს კანონის III თავით გათვალისწინებული უფლებები.