ადმინისტრაციული დეპარტამენტის მთავარი იურისტი

პოზიციის დასახელება:

ადმინისტრაციული დეპარტამენტის მთავარი იურისტი

კონკურსის ტიპი:

ღია კონკურსი

ორგანიზაცია:

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო

ორგანიზაციის შესახებ:

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო წარმოადგენს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს, რომელიც შექმნილია „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ” საქართველოს კანონის საფუძველზე. სააგენტოს მიზანია „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ” საქართველოს კანონით განსაზღვრული სამართლებრივი აქტების აღსრულებით, დანაშაულის პრევენციის ღონისძიებების განხორციელებითა და მსჯავრდებულისა და ყოფილი პატიმრის რესოციალიზაციითა და რეაბილიტაციით საზოგადოების უსაფრთხოების უზრუნველყოფა.

კატეგორია:

იურიდიული

განცხადების ბოლო ვადა:

11.11.2026

თანამდებობრივი სარგო:

4000 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

3 თვე

ფუნქციები:

• უზრუნველყოფს დაქვემდებარებულ მოხელეთა შორის შესასრულებელი სამუშაოს და ფუნქციების გადანაწილებას;
• სააგენტოს სისტემაში სამართალშემოქმედებითი საქმიანობის უზრუნველყოფა;
• კომპეტენციის ფარგლებში, სააგენტოს სფეროში შემავალ საკითხებზე ხელშეკრულებების, შეთანხმებებისა და მემორანდუმების პროექტების ექსპერტიზა და სათანადო დასკვნებისა და რეკომენდაციების შემუშავება;
• საკანონმდებლო ბაზის ანალიზი, შესწავლა შემდგომი სრულყოფის მიზნით;
• სააგენტოს სახელით ადმინისტრაციული საჩივრების განხილვა და გადაწყვეტილებათა პროექტის მომზადება;
• ახორციელებს სააგენტოს წარმომადგენლობას სახელმწიფო ორგანოებთან, კერძო და საჯარო სამართლის იურიდიულ პირებთან ურთიერთობის დროს, სააგენტოს კანონიერი ინტერესების დაცვას სასამართლოში;
• საჯარო ინფორმაციის ხელმისაწვდომობის უზრუნველყოფა და მისი კანონმდებლობით დადგენილი წესით გაცემა;
• სააგენტოს გამგებლობას მიკუთვნებულ საკითხებზე ინდივიდუალური ადმინისტრაციული სამართლებრივი აქტების პროექტების მომზადება;
• სამართლებრივი კონსულტაციის გაწევა სააგენტოს სტრუქტურული ერთეულების და ტერიტორიული ორგანოების მომსახურეთათვის;
• სააგენტოს საქმიანობის შესახებ პერიოდული ანგარიშების მომზადება;

*კანონმდებლობით გათვალისწინებული სხვა ფუნქციების განხორციელება.

მინიმალური განათლება:

ბაკალავრი

სამუშაო გამოცდილება:

2 წელი

პროფესია:

იურისტი

საკონკურსო თემატიკა:

ა) „საქართველოს კონსტიტუცია“;

ბ) „საქართველოს შრომის კოდექსი“;

გ) „არასრულწლოვანთა მართლმსაჯულების კოდექსი“;

დ) „ნორმატიული აქტების შესახებ“ საქართველოს კანონი;

ე) „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ“ საქართველოს კანონი;

ვ) „საქართველოს ადმინისტრაციული საპროცესო კოდექსი“;

ზ) „საქართველოს სისხლის სამართლის კოდექსი“;

თ) „საქართველოს სამოქალაქო კოდექსი“;

ი) „საქართველოს ზოგადი ადმინისტრაციული კოდექსი“;

კ) „მეწარმეთა შესახებ“ საქართველოს კანონი;

ლ) „ნარკოტიკული დანაშაულის წინააღმდეგ ბრძოლის შესახებ“ საქართველოს კანონი;

მ) „საჯარო სამსახურის შესახებ“ საქართველოს კანონი;

ნ) „საჯარო სამართლის იურიდიული პირის შესახებ“ საქართველოს კანონი;

ო) „სოციალური მუშაობის შესახებ“ საქართველოს კანონი (VI,VII და IX თავი);

პ) „პერსონალურ მონაცემთა დაცვის შესახებ“ საქართველოს კანონი;

ჟ) „კორუფციის წინააღმდეგ ბრძოლის შესახებ“ საქართველოს კანონი;

რ) „საჯარო დაწესებულებაში შრომის ანაზღაურების შესახებ“ საქართველოს კანონი;

ს) „საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №485 ბრძანება;

ტ) „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ტერიტორიული ორგანოს - დანაშაულის პრევენციის, არასაპატიმრო სასჯელთა აღსრულებისა და პრობაციის ბიუროს ტიპური დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №486 ბრძანება;

უ) „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – არასაპატიმრო სასჯელთა აღსრულებისა და პრობაციის ეროვნული სააგენტოს პირობითი მსჯავრის გაუქმების საკითხთა განმხილველი მუდმივმოქმედი კომისიის დებულების დამტკიცების შესახებ“ საქართველოს იუსტიციის მინისტრის 2018 წლის 9 აგვისტოს №321 ბრძანება.

საკონკურსო კომისიის მისამართი:

ქ. თბილისი. ალ. ყაზბეგის გამზ. 42

საკონტაქტო ტელეფონები:

0322 222 800

საკონტაქტო პირი:

ნათია კვარაცხელია

დამატებითი მოთხოვნები:

ა) უმაღლესი იურიდიული განათლება (სასურველია მაგისტრის ხარისხი);

ბ) საჯარო სამსახურში იურისტად მუშაობის არანაკლებ 2-წლიანი გამოცდილება;

გ) სასურველია კომპიუტერული პროგრამების კარგად ცოდნა: Ms office Word; Ms office Excel; Ms. Office Outlook; Ms. Office PowerPoint; ელექტრონული დოკუმენტბრუნვის პროგრამის - „დესი“-ს ცოდნა.

დამატებითი ინფორმაცია:

• კონკურსში მონაწილეობას გააგრძელებს კანდიდატი, თუ საქართველოს მთავრობის ადმინისტრაციის მიერ ადმინისტრირებულ ვებ-გვერდზე (www.vacancy.hr.gov.ge) ატვირთული დოკუმენტაციით მოხდება მისი შესაბამისობის დადგენა ვაკანტური თანამდებობისათვის დაწესებულ ძირითად ფორმალურ მოთხოვნებთან;
• კანდიდატი, რომლის მონაცემებიც არ შეესაბამება ვაკანტური თანამდებობისათვის განსაზღვრულ ძირითად ფორმალურ მოთხოვნებს ან/და მის მიერ არ იქნება წარმოდგენილი სავალდებულოდ ასატვირთი დოკუმენტაცია, კონკურში მონაწილეობას ვერ გააგრძელებს;
• კონკურსანტმა შესაბამის გრაფაში სავალდებულოა, ატვირთოს შემდეგი დოკუმენტები:

- უმაღლესი განათლების დამადასტურებელი დოკუმენტი (დიპლომი); იმ შემთხვევაში თუ დიპლომი გაცემულია უცხო ქვეყნის შესაბამისი საგანმანათლებლო დაწესებულების მიერ, დოკუმენტს უნდა ახლდეს შესაბამისად ნათარგმნი და დამოწმებული დოკუმენტი ქართულ ენაზე;

- სამუშაო გამოცდილების დამადასტურებელი დოკუმენტი (დაკავებული თანამდებობისა და მუშაობის პერიოდის - სამსახურის დაწყების და დასრულების სრული თარიღების მითითებით) - უფლებამოსილი ორგანოს მიერ გაცემული ცნობა, ან არსებობის შემთხვევაში - შრომის წიგნაკი (ბეჭდით დამოწმებული სრული და კითხვადი ჩანაწერით). იმ შემთხვევაში თუ ცნობა გაცემულია უცხო ენაზე, დოკუმენტს თან უნდა ახლდეს შესაბამისად ნათარგმნი და დამოწმებული დოკუმენტი ქართულ ენაზე; დოკუმენტში გარკვევით უნდა ჩანდეს რა სპეციალიზაციით მუშაობდა, ან მუშაობს აპლიკანტი;

• ატვირთული უნდა იყოს, სულ მცირე, დამატებითი საკვალიფიკაციო მოთხოვნებით გათვალისწინებული სამუშაო გამოცდილების დამადასტურებელი საბუთ(ებ)ი.
• აუცილებელია, კანდიდატმა შეავსოს სამოტივაციო წერილის გრაფა;
• მიუთითოთ მინიმუმ ერთი რეკომენდატორის სახელი და გვარი, სამუშაო ადგილი, საკონტაქტო ტელეფონი და ელ.ფოსტა;
• ყოველ მომდევნო ეტაპზე მონაწილეობისთვის აუცილებელია, კანდიდატი აკმაყოფილებდეს წინა ეტაპისთვის განსაზღვრულ მოთხოვნებს;
• კონკურსის მეორე (კანდიდატის შეფასების) ეტაპზე გადასასვლელად კანდიდატის მიერ მოწოდებული ინფორმაცია და დოკუმენტები უნდა იყოს უტყუარი, სრულყოფილი და შეესაბამებოდეს განაცხადით დადგენილ ძირითად, სპეციალურ და დამატებით მოთხოვნებს;
• კონკურსი ითვლება გავლილად კონკურსის ყველა ეტაპის წარმატებით გავლის შემთხვევაში;
• კანდიდატის კონკურსის რომელიმე ეტაპზე გამოუცხადებლობა ან დაგვიანებით გამოცხადება წარმოადგენს კანდიდატის დაუშვებლობის საფუძველს, მიუხედავად იმისა, გამოუცხადებლობა ან დაგვიანება საპატიო მიზეზით იყო გამოწვეული თუ არა;
• კანდიდატები ვალდებულნი არიან კონკურსზე გამოცხადებისას თან იქონიონ პირადობის დამადასტურებელი დოკუმენტი, წინააღმდეგ შემთხვევაში კანდიდატი გასაუბრებაზე არ დაიშვება.

გადაწყვეტილების მიღების ფორმა და ვადა:

კომისია გადაწყვეტილებას იღებს ხმათა უმრავლესობით, განცხადების წარდგენის ვადის დასრულებიდან არაუგვიანეს 3 თვის ვადაში.