ადმინისტრაციული დეპარტამენტის ინფორმაციული ტექნოლოგიების მენეჯერი

პოზიციის დასახელება:

ადმინისტრაციული დეპარტამენტის ინფორმაციული ტექნოლოგიების მენეჯერი

კონკურსის ტიპი:

ღია კონკურსი

ორგანიზაცია:

სსიპ - იურიდიული დახმარების სამსახური

ორგანიზაციის შესახებ:

სსიპ - იურიდიული დახმარების სამსახური არის საჯარო სამართლის იურიდიული პირი, რომელიც თავის საქმიანობაში დამოუკიდებელია და უზრუნველყოფს იურიდიული კონსულტაციისა და იურიდიული დახმარების ხელმისაწვდომობას საქართველოს კონსტიტუციის, ,,იურიდიული დახმარების შესახებ“ საქართველოს კანონის, სხვა საკანონმდებლო და კანონქვემდებარე ნორმატიული აქტებისა და სამსახურის დებულების საფუძველზე. სამსახური ანგარიშვალდებულია საქართველოს პრემიერ-მინისტრის წინაშე საქართველოს კანონმდებლობით დადგენილი წესით.

სსიპ - იურიდიული დახმარების სამსახურის შესახებ ინფორმაციისათვის ეწვიეთ ვებგვერდს: www.legalaid.ge.

კატეგორია:

ინფორმაციული ტექნოლოგიები (IT)

განცხადების ბოლო ვადა:

09.11.2026

თანამდებობრივი სარგო:

4960 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

3 თვე

ფუნქციები:

• სამსახურის ინფორმაციული და საკომუნიკაციო ტექნოლოგიების განვითარების, ინფორმაციული ინფრასტრუქტურის და ელექტრონული სისტემების ორგანიზება, სამუშაოს შესრულების კოორდინაცია და მიღწეული შედეგის ხარისხზე პასუხისმგებლობა;
• სამსახურის ინფორმაციული და საკომუნიკაციო ტექნოლოგიების განვითარების საჭიროებების იდენტიფიცირება, შეფასება და შესაბამისი წინადადებების ადმინისტრაციული დეპარტამენტის უფროსისთვის წარდგენა;
• სამსახურის ინფორმაციული ინფრასტრუქტურის, ტექნიკური და პროგრამული რესურსების გამართული ფუნქციონირების ორგანიზება და მონიტორინგი;
• სამსახურის ელექტრონული სისტემების ადმინისტრირების, მომხმარებელთა წვდომების მართვის, სისტემების გამართულობისა და უწყვეტი ფუნქციონირების უზრუნველყოფა;
• სამსახურის ელექტრონულ მონაცემთა ბაზების ადმინისტრირება, არქიტექტურის განსაზღვრა, შენახვა, უსაფრთხოებასთან დაკავშირებული რისკების მართვა და ინციდენტებზე რეაგირება;
• სამსახურის ინფორმაციული სისტემების, მათი დახვეწის და პროგრამული უზრუნველყოფის მიზნებისათვის ბიზნესპროცესებისა და ამოცანების ანალიზი და შესაბამისი რეკომენდაციების წარდგენა დეპარტამენტის უფროსისთვის;
• სამსახურის ინფორმაციული უსაფრთხოების პოლიტიკის, პროცედურებისა და სახელმძღვანელო დოკუმენტების პროექტების შემუშავება, დეპარტამენტის უფროსისთვის წარდგენა, დანერგვა და შესრულების მონიტორინგი;
• ინფორმაციული უსაფრთხოების მოთხოვნების შესრულების ხელშეწყობა, შესაბამისი ტექნიკური და ორგანიზაციული ღონისძიებების დაგეგმვა და განხორციელების მონიტორინგი;
• საინფორმაციო ტექნოლოგიებთან დაკავშირებული ინციდენტების, ტექნიკური შეფერხებებისა და სისტემური ხარვეზების იდენტიფიცირება, ინფორმაციული ინციდენტების აღრიცხვა, შესაბამისი რეაგირება და შედეგების შესახებ დეპარტამენტის უფროსისთვის ინფორმაციის მიწოდება;
• ინფორმაციული უსაფრთხოების რისკების იდენტიფიცირება, შეფასება და შემამცირებელი ღონისძიებების განხორციელება;
• მონაცემთა სარეზერვო ასლების შექმნის, შენახვისა და აღდგენის პროცესების ორგანიზება და შესაბამისი პროცედურების შესრულების მონიტორინგი;
• სამსახურის ტექნიკური და პროგრამული რესურსების აღრიცხვის, განახლებისა და ეფექტიანი გამოყენების ორგანიზება;
• საინფორმაციო ტექნოლოგიური სისტემების, მათ შორის, სერვერული და პროგრამული უზრუნველყოფის სისტემების, მონაცემთა ბაზების, ქსელების, voip ინფრასტრუქტურის გამართვა, ექსპლუატაცია, აპარატურული და პროგრამული უზრუნველყოფის ინსტალაცია, კონფიგურირება, დარეზერვება, აღდგენა და განახლება;
• საინფორმაციო ტექნოლოგიების მიმართულებით შესყიდვის საჭიროებათა იდენტიფიცირება, საქონლისა და მომსახურების შესყიდვებისთვის ტექნიკური მოთხოვნებისა და სპეციფიკაციების მომზადებაში მონაწილეობა და საფინანსო-ეკონომიკურ დეპარტამენტთან კოორდინაცია;
• ინფორმაციული ტექნოლოგიების მომსახურების მიმწოდებლებთან ურთიერთობის კოორდინაცია, ხელშეკრულებით გათვალისწინებული მომსახურების შესრულების მონიტორინგი და შესაბამისი ინფორმაციის მომზადება;
• სამსახურის თანამშრომლებისთვის საინფორმაციო ტექნოლოგიების გამოყენებასთან დაკავშირებული ტექნიკური მხარდაჭერის ორგანიზება და საჭიროების შემთხვევაში, შესაბამისი ინსტრუქციებისა და რეკომენდაციების მომზადება;
• ელექტრონული სისტემების, ტექნიკური საშუალებებისა და პროგრამული უზრუნველყოფის გამოყენებასთან დაკავშირებული დოკუმენტაციისა და ინსტრუქციების შემუშავებაში მონაწილეობა;
• სამსახურის ქსელის ადმინისტრირება და პროგრამული უზრუნველყოფა;
• სამსახურის დაკვეთით მომზადებული საქმის წარმოების კომპიუტერული პროგრამების ადმინისტრირება;
• სამსახურის სერვერების გამართული და შეუფერხებელი მუშაობის უზრუნველყოფა;
• სამსახურის საინფორმაციო-საკომუნიკაციო სფეროს რეგულირებისათვის აუცილებელი წესებისა და პრინციპების შემუშავება;
• სამსახურის ინტერნეტ მომწოდებლებთან ურთიერთობის და ინტერნეტთან წვდომის ხარისხის კონტროლი, ქსელის დაცვის მიზნით გარკვეული ვებ-გვერდების გამოყენების შეზღუდვა;
• პერსონალურ მონაცემთა დაცვის ოფიცერთან კოორდინაციით, პერსონალურ მონაცემთა უსაფრთხოების ტექნიკური და ორგანიზაციული ღონისძიებების უზრუნველყოფა;
• დეპარტამენტის უფროსის დავალებით, თანამშრომელთათვის ინფორმაციული უსაფრთხოებისა და ციფრული ჰიგიენის საკითხებზე ინსტრუქტაჟისა და ცნობიერების

ამაღლების ღონისძიებების ორგანიზება;

• სამსახურის ინფორმაციული ტექნოლოგიების მიმართულებით სტატისტიკური და ანგარიშგებისთვის საჭირო ინფორმაციის მომზადება;
• დეპარტამენტის უფროსისთვის საინფორმაციო ტექნოლოგიების, ინფორმაციული უსაფრთხოებისა და ელექტრონული სისტემების მდგომარეობის შესახებ ანგარიშგება და რეკომენდაციების წარდგენა;
• დეპარტამენტის უფროსის დავალებით, კომპეტენციის ფარგლებში, სამსახურებრივი საჭიროებიდან გამომდინარე სამუშაო ჯგუფების შექმნა და მათი საქმიანობის წარმართვა;
• დეპარტამენტის უფროსთან ინფორმაციული ტექნოლოგიების სპეციალისტის შეფასების, წახალისების, პროფესიული განვითარების, მოტივაციისა და დისციპლინური ღონისძიებების ინიცირება;
• კომპეტენციის ფარგლებში შემოსული კორესპონდენციის განხილვა და მათზე სათანადო რეაგირება;
• კანონმდებლობითა და დირექტორის მიერ მინიჭებული უფლებამოსილებების ფარგლებში სხვა ფუნქციების შესრულება, აგრეთვე დირექტორის/კურატორი მოადგილის ცალკეულ დავალებათა შესრულება.

მინიმალური განათლება:

ბაკალავრი

სამუშაო გამოცდილება:

2 წელი

პროფესია:

ინფორმატიკა

საკონკურსო თემატიკა:

• საქართველოს კონსტიტუცია;
• საქართველოს ორგანული კანონი „საქართველოს შრომის კოდექსი“;
• „იურიდიული დახმარების შესახებ“ საქართველოს კანონი;
• „საჯარო სამსახურის შესახებ“ საქართველოს კანონი;
• „საჯარო სამართლის იურიდიული პირის შესახებ“ საქართველოს კანონი;
• „პერსონალურ მონაცემთა დაცვის შესახებ“ საქართველოს კანონი;
• „ინფორმაციული უსაფრთხოების შესახებ“ საქართველოს კანონი;
• „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონი;
• სსიპ - იურიდიული დახმარების სამსახურის დებულება;
• საქმიანობასა და თანამდებობის ფუნქციებთან დაკავშირებული სხვა შესაბამისი ნორმატიული ბაზის ცოდნა.

საკონკურსო კომისიის მისამართი:

დავით აღმაშენებლის გამზ №140ა, თბილისი 0102, საქართველო

საკონტაქტო ტელეფონები:

+995 (32) 293 20 90

დამატებითი მოთხოვნები:

- აუცილებელია ინფორმაციული ტექნოლოგიების მიმართულებით მუშაობის ორწლიანი გამოცდილება;

- კომპეტენცია და უნარები:

• ტექნიკური და სისტემური აზროვნების უნარი;
• ინფორმაციული ტექნოლოგიების პროცესების დაგეგმვისა და მართვის უნარი;
• პრობლემების იდენტიფიცირებისა და ტექნიკური გადაწყვეტილებების მომზადების უნარი;
• ინფორმაციული უსაფრთხოების რისკების იდენტიფიცირებისა და შესაბამისი

ღონისძიებების დაგეგმვის უნარი;

• ინფორმაციის ანალიზისა და ტექნიკური დოკუმენტაციის მომზადების უნარი;
• პროექტებისა და ტექნოლოგიური ცვლილებების მართვის უნარი;
• მომხმარებელთა ტექნიკური მხარდაჭერის ორგანიზების უნარი;
• მომწოდებლებთან საქმიანი კომუნიკაციისა და მოლაპარაკების უნარი;
• დროის ეფექტიანი მართვისა და პრიორიტეტების განსაზღვრის უნარი;
• გუნდური მუშაობისა და თანამშრომლობის უნარი;
• ცვლილებებისა და ახალი ტექნოლოგიების სწრაფად ათვისების უნარი;
• ობიექტურობა და მიუკერძოებლობა, პროფესიული ეთიკისა და კონფიდენციალურობის დაცვის მაღალი კულტურა.

დამატებითი ინფორმაცია:

1. დასაქმებული პირი ვაკანტურ თანამდებობაზე მიიღება სამთვიანი გამოსაცდელი ვადით.
2. აუცილებელია კანდიდატმა განაცხადის შევსების დროს, „ჩემი რეზიუმე"-ს შესაბამის გრაფაში ატვირთოს:

2.1. განათლების დამადასტურებელი დოკუმენტი/ები; განათლების დამადასტურებელი დოკუმენტი წარმოდგენილი უნდა იქნეს სახელმწიფო ენაზე. უცხოენოვანი დიპლომის არსებობის შემთხვევაში, განათლების ხარისხის განვითარების ეროვნული ცენტრის მიერ გამოცემული აღიარების დოკუმენტი ქართულ ენაზე ნათარგმნი და ნოტარიულად დამოწმებული;

2.2. ინფორმაციული ტექნოლოგიების მიმართულებით მუშაობის ორწლიანი გამოცდილების დამადასტურებელი დოკუმენტი - სამუშაო გამოცდილების დამადასტურებელი, უფლებამოსილი ორგანოს მიერ გაცემული ცნობა ან არსებობის შემთხვევაში - შრომის წიგნაკი ბეჭდით დამოწმებული ჩანაწერით (სამუშაო გამოცდილების დამადასტურებელი დოკუმენტი გაცემული უნდა იყოს უფლებამოსილი ორგანოს მიერ და უნდა შეიცავდეს მონაცემებს პირის მიერ დაკავებული თანამდებობისა და მუშაობის ხანგრძლივობის შესახებ; აღნიშნულ დოკუმენტში მოცემული ინფორმაცია უნდა შეესაბამებოდეს შესაბამისი ვაკანტური თანამდებობისთვის დადგენილი საკვალიფიკაციო მოთხოვნებით განსაზღვრულ სამუშაო მიმართულებასა და მოთხოვნილი სამუშაო გამოცდილების ხანგრძლივობას);

3. კანდიდატმა უნდა შეავსოს სამოტივაციო წერილის გრაფა (სამოტივაციო წერილში მითითებული უნდა იყოს თანამდებობით დაინტერესების მიზეზი);
4. კანდიდატი, რომლის მონაცემებიც არ შეესაბამება დადგენილ საკონკურსო მოთხოვნებს, აგრეთვე მის მიერ, სავალდებულოდ ასატვირთი დოკუმენტები ან/და ინფორმაცია არასრულყოფილად იქნება წარმოდგენილი, ვერ გადავა კონკურსის შემდეგ ეტაპზე;
5. კონკურსის თითოეული ეტაპის დასრულებისა და გადაწყვეტილების მიღების შემდეგ, კანდიდატებთან დაკავშირება მოხდება მათ მიერ განაცხადში (აპლიკაციაში) მითითებული ელექტრონული ფოსტის საშუალებით.
6. კანდიდატი შეფასდება ზეპირი დავალებით და გასაუბრებით:

6.1. ზეპირი დავალება გულისხმობს საკონკურსო თემატიკის ცოდნის შემოწმებას;

7. განაცხადის გამოგზავნით კანდიდატი:

7.1. ადასტურებს, რომ იცნობს და ეთანხმება კონკურსის შესახებ შეტყობინებაში მოცემულ მოთხოვნებს, ფუნქციებსა და პირობებს;

7.2. ინფორმირებულია, რომ მის მიერ წარმოდგენილ განაცხადსა და სავალდებულო დოკუმენტაციაში მითითებული პერსონალური მონაცემები, „პერსონალურ მონაცემთა დაცვის შესახებ“ საქართველოს კანონის შესაბამისად, ორგანიზაციის მიერ დამუშავდება საკონკურსო მოთხოვნებთან კანდიდატის შესაბამისობის დადგენის მიზნით. მისთვის ასევე ცნობილია, რომ კონკურსის ეტაპების წარმატებით გავლის შემთხვევაში, დამსაქმებლის მიერ განხორციელდება კანონით გათვალისწინებული სხვა ინფორმაციის/დოკუმენტაციის მოთხოვნაც, კანდიდატის შესაბამის თანამდებობაზე დანიშვნისთვის დადგენილი ძირითადი მოთხოვნების დაკმაყოფილების მიზნებისთვის;

გადაწყვეტილების მიღების ფორმა და ვადა:

კომისიის მიერ გადაწყვეტილება მიიღება ქულათა სისტემით, განცხადების წარდგენის ვადის დასრულებიდან არაუგვიანეს 3 თვის ვადაში.