ადმინისტრაციის საქმისწარმოების და არქივის განყოფილების მე-3 რანგის პირველი კატეგორიის უფროსი სპეციალისტი

თანამდებობის დასახელება:

მესამე რანგი - საჯარო დაწესებულების პირველი კატეგორიის უფროსი სპეციალისტი

პოზიციის დასახელება:

ადმინისტრაციის საქმისწარმოების და არქივის განყოფილების მე-3 რანგის პირველი კატეგორიის უფროსი სპეციალისტი

კონკურსის ტიპი:

ღია კონკურსი

ორგანიზაცია:

ოზურგეთის მუნიციპალიტეტის მერია

კატეგორია:

ადმინისტრაცია

განცხადების ბოლო ვადა:

12.10.2026

თანამდებობრივი სარგო:

2400 ლარი

ადგილების რაოდენობა:

1

სამსახურის ადგილმდებარეობა:

ოზურგეთი

სამუშაოს ტიპი:

სრული განაკვეთი

გამოსაცდელი ვადა:

12 თვე

ფუნქციები:

- წერილების ფორმალური, სტილისტური და პროცესუალური სიზუსტის უზრუნველყოფა.

- ელექტრონული დოკუმენტბრუნვის სისტემის დამოუკიდებელი ადმინისტრირება, მათ შორის ინსტრუქციის სრული დაცვა, წვდომების მართვა და ტექნიკური შეფერხებების შემთხვევაში ოპერატიული რეაგირება.

- გასული კორესპონდენციის აღრიცხვა და ადრესატამდე ჩაბარება, მათ შორის საფოსტო საკომუნიკაციო საშუალებებით გაგზავნის უზრუნველყოფა.

- დოკუმენტების პროცესუალური შესაბამისობის გადამოწმება განყოფილების უფროსთან შეთანხმებით და არასწორად მომზადებული დოკუმენტების დაბრუნება პასუხისმგებელი პირებისათვის.

- კორესპონდენციის რეგისტრაცია, ნომენკლატურის მინიჭება და სისტემატიზება, ხაზგასმით დაცული სამართლებრივი და შიდა ადმინისტრაციული სტანდარტების მიხედვით.

- არქივში გადასაცემი დოკუმენტაციის შესწავლა და შერჩევის სამუშაო ჯგუფის წევრობა, დადგენილი წესების სრული დაცვით.

- მოქალაქეთა მომსახურების პროცესში ჩართულობა, მათთვის ინფორმაციის მიწოდება, დოკუმენტების მიღება-გაცემის მართვა და პროცედურების სწორად განმარტება.

- დავალებული სამუშაოების შესახებ ანგარიშგება განყოფილების უფროსთან, მათ შორის შესრულებული მოქმედებების შესაბამისი დოკუმენტური დაფიქსირება.

- განყოფილების ანგარიშგებების ფორმირებაში მონაწილეობა - მონაცემების შეგროვება, დამუშავება და უფროსისთვის წარდგენა.

- მონაწილეობას იღებს ტრენინგებში, სემინარებსა და სხვა პროფესიული განვითარების ღონისძიებებში, რომლებიც უკავშირდება დაკისრებულ ფუნქციებს.

- უზრუნველყოფს შუალედური და საბოლოო ანგარიშების მომზადებას და წარდგენას განყოფილების უფროსისთვის.

- სტატისტიკური მონაცემების სისტემატური აღრიცხვა და დოკუმენტირება ადმინისტრაციული და სამართლებრივი სტანდარტების შესაბამისად.

- სამსახურეობრივი კომპეტენციის ფარგლებში პროფესიული კონსულტაციების მიწოდება და შესაბამისი რეკომენდაციების გაცემა.

- კონფიდენციალური ინფორმაციის დაცვა და მისი დამუშავება მოქმედი კანონმდებლობისა და პერსონალურ მონაცემთა დაცვის მოთხოვნების შესაბამისად.

- ახსნა-განმარტებითი ბარათების მომზადება, მოქმედი კანონმდებლობის, ადმინისტრაციული პროცედურებისა და სამართლებრივი სტანდარტების დაცვით.

- დოკუმენტაციის აღრიცხვა, არქივირება და მართვის პროცესების უზრუნველყოფა.

- ადმინისტრაციის და განყოფილების ხელმძღვანელთა დავალებით უზრუნველყოფს შესაბამისი ინფორმაციის მოძიებას, აღრიცხვასა და დამუშავებას.

- მოქმედი კანონმდებლობის, მერიის დებულებებისა და შესაბამის სამართლებრივი აქტების ფარგლებში განყოფილების ფუნქციების განხორციელება.

- ადმინისტრაციის უფროსის და განყოფილების უფროსის მითითებით სხვა დავალებების შესრულება კომპეტენციის ფარგლებში, რომლებიც მოითხოვს პროცესების ეფექტიან კოორდინაციას.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

ა) საქართველოს კონსტიტუცია;

ბ) საქართველოს ორგანული კანონი „ადგილობრივი თვითმმართველობის კოდექსი“;

გ) „საჯარო სამსახურის შესახებ“ საქართველოს კანონი;

დ) ევროპული ქარტია „ადგილობრივი თვითმმართველობის შესახებ“;

ე) ,,საქართველოს ზოგადი ადმინისტრაციული კოდექსი’’;

ვ),,კორუფციის წინააღმდეგ ბრძოლის შესახებ’’ კანონი;

ზ) ოზურგეთის მუნიციპალიტეტის მერიის დებულება N22.

საკონკურსო კომისიის მისამართი:

ოზურგეთი, კოსტავს ქ. N1

საკონტაქტო ტელეფონები:

551 26 26 73; 595 96 96 21

საკონტაქტო პირი:

ხათუნა სურგულაძე; რუსუდან გიორგაძე

დამატებითი მოთხოვნები:

ა) საჯარო სამსახურში საქმისწარმოების ან/და არქივის მიმართულებით მუშაობის არანაკლებ 2 წლის გამოცდილება;

ბ) ეფექტური კომუნიკაციისა და მოლაპარაკებების წარმართვის უნარი;

გ) კომპლექსური აზროვნების უნარი;

დ) სტრუქტურული ერთეულისა და ინდივიდუალური ამოცანების დასახვის უნარი;

ე) ცვლილებების ინიციირებისა და მართვის უნარი;

ვ) თათბირებისა და შეხვედრების წარმართვის უნარი;

ზ) მოხელის პროფესიული განვითარების, შეფასებისა და მოტივირების უნარი;

თ) პრობლემების გადაჭრისა და კონფლიქტების მართვის უნარი;

ი)გუნდის განვითარების უნარი.

დამატებითი ინფორმაცია:

1. მთავრობის ადმინისტრაციის მიერ ადმინისტრირებულ ვებ-გვერდზე (vacancy.hr.gov.ge) - ,,ჩემი რეზიუმეში“- კანდიდატმა უნდა ატვირთოს:

ა)„განათლების“ ბლოკში - განათლების დამადასტურებელი დოკუმენტ(ებ)ი დასკანერებული;

ბ)„სამოტივაციო წერილის“ ბლოკში - სამოტივაციო წერილი;

გ)„რეკომენდატორების“ ბლოკში - ერთი რეკომენდაცია მაინც სამუშაო ადგილიდან (მიმდინარე ან წინა) რეკომენდატორის მიერ ხელმოწერით დადასტურებული;

დ) "სამუშაო გამოცდილების " ბლოკში სამუშაო გამოცდილების დამადასტურებელი დოკუმენტი შრომის წიგნაკი (ასეთის არსებობის შემთხვევაში) ან სამუშაო გამოცდილების დამადასტურებელი სხვა დოკუმენტ(ებ)ი;

2. საკონკურსო განაცხადი (შემდეგში კონკურსი) გამოქვეყნდეს ოქმის ხელმოწერიდან არაუგვიანეს 5 სამუშაო დღის განმავლობაში მთავრობის ადმინისტრაციის მიერ ადმინისტრირებული ვებ-გვერდის (vacancy.hr.gov.ge) მეშვეობით.
3. კონკურსში მონაწილეობისთვის კანდიდატის მიერ განცხადება წარდგენილი უნდა იქნეს მხოლოდ ელექტრონულად მთავრობის ადმინისტრაციის მიერ ადმინისტრირებული ვებ-გვერდის (vacancy.hr.gov.ge) მეშვეობით, კონკურსის გამოცხადების დღიდან 5 კალენდარული დღის ვადაში.
4. კანდიდატის შეფასება განხორციელდეს შემდეგ ეტაპებად:

ა)განცხადებების გადარჩევა (რომლის მიხედვითაც კონკურსის შემდეგ ეტაპზე მონაწილეობას გააგრძელებენ და გასაუბრების ეტაპზე გადავლენ მხოლოდ ის კანდიდატები, რომლებიც განცხადებ(ებ)ის (აპლიკაციების) გადარჩევის საფუძველზე დააკმაყოფილებენ დადგენილ მოთხოვნებს;

ბ)გასაუბრება.

5. ოზურგეთის მუნიციპალიტეტის მერიის მიერ ვაკანტურ თანამდებობაზე გამოსაცხადებელი შიდა და ღია კონკურსის პირველ ეტაპზე წარდგენილი განცხადებების ძირითად ფორმალურ მოთხოვნებთან შესაბამისობის დადგენა უზრუნველყოს ადამიანური რესურსების მართვაზე პასუხისმგებელმა პირმა, განცხადებების წარდგენისათვის განსაზღვრული ვადის ამოწურვიდან 10 კალენდარული დღის ვადაში.
6. კონკურსის მომდევნო ეტაპამდე 7 კალენდარული დღით ადრე, ხოლო თუ ბოლო კალენდარული დღე დასვენების ან უქმე დღეს ემთხვევა – მომდევნო სამუშაო დღის ჩათვლით, კომისია ვალდებულია, ელექტრონულად ან/და წერილობით აცნობოს კანდიდატს მის მიერ წარდგენილი განაცხადის ძირითად ფორმალურ მოთხოვნებთან შეუსაბამობის შესახებ.
7. გასაუბრებაზე კანდიდატები კომისიის წევრების მხრიდან ფასდებიან დამოუკიდებლად;
8. გადაწყვეტილება მიღებულად ჩაითვლება თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შემთხვევაში გადამწყვეტად ითვლება სხდომის თავმჯდომარის ხმა.
9. კომისიის სხდომის ოქმი მისი შედგენიდან არაუგვიანეს 5 კალენდარული დღისა, ხოლო თუ ბოლო კალენდარული დღე დასვენების ან უქმე დღეს ემთხვევა – არაუგვიანეს მომდევნო სამუშაო დღისა, წარედგინება პროფესიული საჯარო მოხელის ვაკანტურ თანამდებობაზე დანიშვნის უფლების მქონე პირს.

გადაწყვეტილების მიღების ფორმა და ვადა:

კომისია საბოლოო გადაწყვეტილებას იღებს ქულათა სისტემის საფუძველზე, განაცხადების წარდგენის ვადის დასრულებიდან არაუგვიანეს 3 თვის ვადაში.