ადმინისტრაციის (დეპარტამენტი) საქმისწარმოების სამმართველოს უფროსი (მეორადი სტრუქტურული ერთეულის ხელმძღვანელი)

თანამდებობის დასახელება:

მეორე რანგი - საჯარო დაწესებულების მეორადი სტრუქტურული ერთეულის ხელმძღვანელი

პოზიციის დასახელება:

ადმინისტრაციის (დეპარტამენტი) საქმისწარმოების სამმართველოს უფროსი (მეორადი სტრუქტურული ერთეულის ხელმძღვანელი)

კონკურსის ტიპი:

ღია კონკურსი

ორგანიზაცია:

საქართველოს იუსტიციის სამინისტრო

ორგანიზაციის შესახებ:

საქართველოს იუსტიციის სამინისტროს საკვანძო როლი ეკისრება ქვეყნის დემოკრატიულ საწყისებზე მოწყობასა და სამართლებრივი სისტემის განვითარებაში. იუსტიციის სამინისტროს მისია და ძირითადი ფუნქციებია: სამართლებრივი სახელმწიფოს ჩამოყალიბება და განვითარება; ადამიანის უფლებების დაცვა; კანონიერებისა და საჯარო წესრიგის უზრუნველყოფა; სახელმწიფოს კანონიერი ინტერესების წარმოდგენა და დაცვა; საზოგადოებრივი მართლშეგნების ამაღლება; მოქალაქეზე ორიენტირებული თანამედროვე და ხელმისაწვდომი სერვისების მიწოდება.

შერჩევის პროცესში მონაწილე ყველა კანდიდატი თანასწორია, განურჩევლად რასის, კანის ფერის, სქესის, ენის, რელიგიის, პოლიტიკური და სხვა სახის შეხედულებების, ეროვნული თუ სოციალური წარმომავლობის, ქონებრივი, წოდებრივი თუ სხვა მდგომარეობისა; ასევე, ნასამართლობის (გარდა განზრახი დანაშაულისათვის ნასამართლობისა) მიუხედავად.

კატეგორია:

საქმისწარმოება

განცხადების ბოლო ვადა:

16.10.2026

თანამდებობრივი სარგო:

5600 ლარი

ადგილების რაოდენობა:

1

სამსახურის ადგილმდებარეობა:

თბილისი

სამუშაოს ტიპი:

სრული განაკვეთი

გამოსაცდელი ვადა:

12 თვე

ფუნქციები:

• საქმისწარმოების სამმართველოს გამართული ფუნქციონირების უზრუნველყოფა, სამმართველოს საქმიანობის წარმართვა და ხელმძღვანელობა, თანამშრომელთა მიერ სამსახურებრივი მოვალეობების შესრულების კონტროლი (მათ შორის, საიდუმლო საქმისწარმოებისა და საარქივო საქმიანობის კონტროლი);
• სამინისტროს სტრუქტურული ერთეულების მიერ დოკუმენტებზე მუშაობის დადგენილი წესების დაცვაზე კონტროლის განხორციელება და შედეგების თაობაზე შესაბამისი სტრუქტურული ერთეულის ხელმძღვანელობის ინფორმირება;
• სამინისტროს მემორანდუმების აღრიცხვა და შენახვა;
• სამინისტროში შექმნილი და დაცული დოკუმენტების ასლის დედანთან სისწორის შესაბამისობის დადგენა და დამოწმება;
• საკანონმდებლო მაცნეს ელექტრონულ პროგრამაში მინისტრის ბრძანებების რეგისტრაცია და გადაგზავნა;
• კომპეტენციის მიხედვით ადმინისტრაციასა და საქმისწარმოების სამმართველოში შემოსული განცხადებებისა და წერილების განხილვა და პასუხების მომზადება, საჭიროების შემთხვევაში სამინისტროს სისტემაში შემავალი სსიპ-ებისა და სტრუქტურული ქვედანაყოფებისაგან საჭირო მასალების გამოთხოვა, შეკრება, სისტემატიზაცია და ცენტრალიზებული კოორდინაცია;
• საჭიროების შემთხვევაში სხვადასხვა ტიპის რეესტრის წარმოება, პროგრამიდან ინფორმაციის მოძიება და დამუშავება;
• სამინისტროს ელექტრონულ ფოსტაზე შემოსული წერილების მონიტორინგი;
• ელექტრონული ხელმოწერის პროგრამის გამართულობის უზრუნველყოფა და კონტროლი;
• საქმისწარმოების სამმართველოს კომპეტენციის ფარგლებში სამართლებრივი აქტების შემუშავებაში მონაწილეობის მიღება;
• სამმართველოს მიზნებსა და ამოცანებთან დაკავშირებული სხვა საქმიანობის განხორციელება.

მინიმალური განათლება:

ბაკალავრი

სამუშაო გამოცდილება:

3 წელი

საკონკურსო თემატიკა:

• საქართველოს კონსტიტუცია;
• საქართველოს ზოგადი ადმინისტრაციული კოდექსი;
• „საჯარო სამსახურის შესახებ“ საქართველოს კანონი;
• „კორუფციის წინააღმდეგ ბრძოლის შესახებ“ საქართველოს კანონი;
• „პერსონალურ მონაცემთა დაცვის შესახებ“ საქართველოს კანონი;
• „სახელმწიფო საიდუმლოების შესახებ“ საქართველოს კანონი;
• „დაწესებულებათა არქივების მუშაობის წესების შესახებ“ საქართველოს იუსტიციის მინისტრის 2007 წლის 15 ივნისის №174 ბრძანება;
• „საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2013 წლის 30 დეკემბრის №389 დადგენილება.

საკონკურსო კომისიის მისამართი:

გორგასლის 24ა

საკონტაქტო ტელეფონები:

(+995 32) 240 59 85; (+995) 599 850 242

დამატებითი მოთხოვნები:

• უმაღლესი განათლება (ბაკალავრის აკადემიური ხარისხი);
• საჯარო სამსახურში საქმისწარმოების მიმართულებით მუშაობის არანაკლებ 3-წლიანი გამოცდილება;
• შედეგზე ორიენტაცია;
• პროფესიულ განვითარებაზე ზრუნვა;
• გუნდური მუშაობა;
• მოქნილობა და ცვლილებებზე ადაპტირება;
• განსხვავებულ ამოცანებზე ერთდროულად მუშაობა;
• პრობლემების ანალიზი;
• ინფორმაციის შეგროვება.

დამატებითი ინფორმაცია:

ჩვენთან დასაქმების შემთხვევაში, სამინისტრო გთავაზობთ: პროფესიული და კარიერული განვითარების საშუალებას; თანამედროვე და კომფორტულ სამუშაო გარემოს.

• კონკურსანტმა შესაბამის გრაფაში სავალდებულოა, ატვირთოს შემდეგი დოკუმენტები:

- უმაღლესი განათლების დამადასტურებელი დოკუმენტი;

- სამუშაო გამოცდილების დამადასტურებელი დოკუმენტი (ოფიციალური/სათანადოდ დამოწმებული დოკუმენტი დაკავებული თანამდებობ(ებ)ის, მუშაობის პერიოდ(ებ)ის - სამსახურის დაწყებისა და დასრულების სრული თარიღების - ფუნქცია-მოვალეობების მითითებით, სრული და კითხვადი ჩანაწერ(ებ)ი). ატვირთული უნდა იყოს, სულ მცირე, დამატებითი საკვალიფიკაციო მოთხოვნებით გათვალისწინებული სამუშაო გამოცდილების დამადასტურებელი საბუთ(ებ)ი;

- სტაჟირების შემთხვევაში აუცილებელია, დოკუმენტში ჩანდეს, იყო თუ არა სტაჟირება ანაზღაურებადი.

• აუცილებელია, კანდიდატმა შეავსოს სამოტივაციო წერილის გრაფა;
• აუცილებელია, კანდიდატმა შესაბამის გრაფაში მიუთითოს რეკომენდატორის (სასურველი რაოდენობა − ორი) საკონტაქტო ინფორმაცია და დაკავებული თანამდებობა (ასეთის არსებობის შემთხვევაში);
• ყოველ მომდევნო ეტაპზე მონაწილეობისთვის აუცილებელია, კანდიდატი აკმაყოფილებდეს წინა ეტაპისათვის განსაზღვრულ მოთხოვნებს;
• კონკურსის მეორე (კანდიდატის შეფასების) ეტაპზე გადასასვლელად კანდიდატის მიერ მოწოდებული ინფორმაცია და დოკუმენტები უნდა იყოს უტყუარი, სრულყოფილი და შეესაბამებოდეს განაცხადით დადგენილ ძირითად, სპეციალურ და დამატებით მოთხოვნებს;
• გასაუბრებაზე კანდიდატის შეფასება ხდება პროფესიულ (ზეპირი დავალების ფორმით), მოტივაციასთან დაკავშირებულ და საქმიანი უნარების დამდგენ კითხვებზე გაცემული პასუხების შესაბამისად; გამარჯვებულად ჩაითვლება კანდიდატი, რომელიც მიიღებს ყველაზე მაღალ ქულას, მაგრამ არანაკლებ 3 ქულისა (მაქსიმალური ქულა − 5).

რეზიუმეს გამოგზავნით კანდიდატი ადასტურებს, რომ იცნობს და ეთანხმება ვაკანსიის განაცხადში მოცემულ ფუნქციებსა და პირობებს. ასევე, ის თანახმაა, მის რეზიუმეში მოცემული პერსონალური მონაცემები, „პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, დამუშავდეს, საქართველოს იუსტიციის სამინისტროს სისტემის მასშტაბით, პერსონალის შერჩევის მიზნებისთვის.

გადაწყვეტილების მიღების ფორმა და ვადა:

საკონკურსო კომისია გადაწყვეტილებას იღებს ქულათა სისტემით განაცხადების წარდგენის ვადის დასრულებიდან არაუგვიანეს 3 თვის ვადაში.