აჭარისა და გურიის პრობაციის ბიუროს პრობაციის ოფიცერი

პოზიციის დასახელება:

აჭარისა და გურიის პრობაციის ბიუროს პრობაციის ოფიცერი

კონკურსის ტიპი:

ღია კონკურსი

ორგანიზაცია:

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო

ორგანიზაციის შესახებ:

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო წარმოადგენს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს, რომელიც შექმნილია „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ” საქართველოს კანონის საფუძველზე. სააგენტოს მიზანია „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ” საქართველოს კანონით განსაზღვრული სამართლებრივი აქტების აღსრულებით, დანაშაულის პრევენციის ღონისძიებების განხორციელებითა და მსჯავრდებულისა და ყოფილი პატიმრის რესოციალიზაციითა და რეაბილიტაციით საზოგადოების უსაფრთხოების უზრუნველყოფა.

კატეგორია:

პრობაცია

განცხადების ბოლო ვადა:

14.11.2026

თანამდებობრივი სარგო:

2400 ლარი

ადგილების რაოდენობა:

1

სამსახურის ადგილმდებარეობა:

ქედა

სამუშაოს ტიპი:

სრული განაკვეთი

გამოსაცდელი ვადა:

3 თვე

ფუნქციები:

- აკონტროლებს სასამართლოს მიერ მსჯავრდებულისათვის დაკისრებული მოვალეობების შესრულებას;

- ახორციელებს სააღსრულებო მოქმედების შესრულებას და განუმარტავს მსჯავრდებულს სასჯელის მოხდის წესს და პირობებს;

- შეიმუშავებს მსჯავრდებული პირისთვის საპრობაციო ვადის ინდივიდუალურ გეგმას;

- უზრუნველყოფს მონაცემთა ბაზაში ან/და ჟურნალში, პირად საქმეში მასზე განპიროვნებული მსჯავრდებულების მონაცემების სიზუსტეს, განახლებას, დაცულობას და საქმისწარმოებას არსებული პროცედურის და კანონის მიხედვით;

- აწარმოებს ინდივიდუალურ გასაუბრებებს მსჯავრდებულებთან, უწევს მათ კონსულტაციას მათი პრობლემების გადაწყვეტის მიზნით;

- ზედამხედველობს და აკონტროლებს ინდივიდუალურ სარეაბილიტაციო, რესოციალიზაციის პროგრამას თითოეულ მსჯავრდებულთან მიმართებით;

- ატარებს აღმზრდელობითი ხასიათის ღონისძიებებს მსჯავრდებულთან;

- უწევს დახმარებას პირობით მსჯავრდებულს შრომით მოწყობაში, შეძლებისდაგვარად;

- ახდენს შესაბამისი სამართლებრივი აქტის აღსრულებას დადგენილი წესით, მსჯავრდებულის რისკების შეფასებისა და სასჯელის აღსრულების ინდივიდუალური გეგმის მიხედვით;

- ახდენს მსჯავრდებულის მიერ კანონით დადგენილი რეჟიმის მოთხოვნების შესრულების, აგრეთვე მის შესახებ სხვა ინფორმაციის რეგისტრაციას დადგენილი წესით, სპეციალური ელექტრონული პროგრამის მეშვეობით;

- იბარებს მსჯავრდებულს აღრიცხვისათვის, კანონით დადგენილ შემთხვევებში და დადგენილი პერიოდულობით;

- ჩამოართმევს მსჯავრდებულს ახსნა-განმარტებას, აფრთხილებს პირობით მსჯავრდებულს საზოგადოებისთვის სასარგებლო შრომის წესების და პირობების დარღვევისთვის საქართველოს კანონმდებლობით დადგენილი პასუხისმგებლობის თაობაზე;

- ახორციელებს სხვა ღონისძიებებს, რომლებიც ხელს შეუწყობს მსჯავრდებულის რესოციალიზაციას, რისთვისაც, საჭიროების შემთხვევაში, ამყარებს საქმიან ურთიერთობებს ადგილობრივი თვითმმართველობის ორგანოებთან, სხვა სახელმწიფო და არასამთავრობო ორგანოებთან;

- იღებს ინფორმაციას საჭიროების შემთხვევაში მსჯავრდებულის ყოფაქცევის შესახებ მისი ნათესავებისგან, ნაცნობებისგან, სამუშაო ადგილიდან და სასწავლო დაწესებულებიდან;

- გამოითხოვს მსჯავრდებულის შესახებ ინფორმაციას, საჭიროების შემთხვევაში, შესაბამის საჯარო დაწესებულებებსა და სამკურნალო დაწესებულებებიდან;

- ახორციელებს კონტროლს მსჯავრდებულის ყოფაქცევაზე, გამოცხადების აღრიცხვაზე და უწევს შესაბამის დახმარებას;

- ადგენს ადმინისტრაციული სამართალდარღვევის ოქმს, მსჯავრდებულის მიერ კანონით დადგენილი რეჟიმის დარღვევის შემთხვევაში, რომელიც იმავდროულად არის საჯარიმო ქვითარი; საჭიროების შმთხვევაში შესაბამისი სააღსრულებლო ფურცლის გამოცემით ახორციელებს ჯარიმის გადახდის იძულებით აღსასრულებლად მიქცევას;

- მიმართავს შესაბამისი შუამდგომლობით პრობაციის ბიუროს უფროსს კანონით განსაზღვრული პირობების არსებობისას;

- იღებს ზომებს იურიდიული პირისთვის საქმიანობის უფლების ჩამორთმევის შესახებ სამართლებრივი აქტის აღსრულებისას იურიდიული პირის სარეგისტრაციო მონაცემებში აკრძალული საქმიანობის სახისა და ამ საქმიანობის აკრძალვის ვადის აღნიშვნის უზრუნველსაყოფად;

- აკონტროლებს პერიოდულად იურიდიული პირის მიერ იურიდიული პირისთვის საქმიანობის უფლების ჩამორთმევის შესახებ სამართლებრივი აქტის სათანადოდ შესრულებას;

- იღებს ახსნა-განმარტებებს მსჯავრდებულისგან საჭიროების შემთხვევაში;

- გადასინჯავს მსჯავრდებულების პირად საქმეებს და აძლევს რეკომენდაციას პრობაციის ბიუროს უფროსს პირობითი მსჯავრის გაუქმებაზე ან/და შეცვლაზე, ქვეყნიდან გასვლაზე და სხვა;

- აწვდის შესაბამის სტატისტიკურ მონაცემებს პერიოდულად პრობაციის ბიუროს უფროსს წარმოებაში არსებულ სააღსრულებო საქმეებთან დაკავშირებით;

- ამზადებს და წარადგენს ყოველთვიურ სტატისტიკურ ანგარიშს;

- ადგენს სხვადასხვა სახის ანგარიშს/ოქმებს კანონით დადგენილ შემთხვევებში შესაბამისი პროცედურის მიხედვით;

- მიმართავს ბიუროს უროსს, საჭიროების შემთხვევაში წარდგინებით

- მიმართოს სასამართლოს, მსჯავრდებულისათვის სასჯელის გახანგრძლივების, შეცვლის ან სასჯელაღსრულების დაწესებულებაში შებრუნების თაობაზე;

- წარმოადგენს ბიუროს ინტერესებს სასამართლოში, საჭიროების შემთხვევაში;

- საჭიროების შემთხვევაში შესაძლებელია აღასრულოს სამართლებრივი აქტი, რომელსაც მინიჭებული აქვს გრიფი „საიდუმლო“;

- საჭიროების შემთხვევაში, ასრულებს სამუშაოსთან დაკავშირებულ სხვა დავალებებს.

მინიმალური განათლება:

ბაკალავრი

სამუშაო გამოცდილება:

2 წელი

საკონკურსო თემატიკა:

ა) „საქართველოს კონსტიტუცია“ (II თავი);

ბ) „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ“ საქართველოს კანონი;

გ) „საქართველოს სისხლის სამართლის კოდექსი“;

დ) „საქართველოს სისხლის სამართლის საპროცესო კოდექსი“;

ე) „კორუფციის წინააღმდეგ ბრძოლის შესახებ“ საქართველოს კანონი;

ვ) „ნარკოტიკული დანაშაულის წინააღმდეგ ბრძოლის შესახებ“ საქართველოს კანონი;

ზ) „პერსონალურ მონაცემთა დაცვის შესახებ“ საქართველოს კანონი;

თ) „საქართველოს ზოგადი ადმინისტრაციული კოდექსი“ (III და IV თავი);

ი) არასრულწლოვანთა მართლმსაჯულების კოდექსი;

კ) „სოციალური მუშაობის შესახებ“ საქართველოს კანონი; (VI,VII და IX თავი);

ლ) „საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №485 ბრძანება;

მ) „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – არასაპატიმრო სასჯელთა აღსრულებისა და პრობაციის ეროვნული სააგენტოს პირობითი მსჯავრის გაუქმების საკითხთა განმხილველი მუდმივმოქმედი კომისიის დებულების დამტკიცების შესახებ“ საქართველოს იუსტიციის მინისტრის 2018 წლის 9 აგვისტოს №321 ბრძანება;

ნ) „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ტერიტორიული ორგანოს - დანაშაულის პრევენციის, არასაპატიმრო სასჯელთა აღსრულებისა და პრობაციის ბიუროს ტიპური დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №486 ბრძანება;

ო) „არასაპატიმრო სასჯელთა და პრობაციის აქტების სააღსრულებო წარმოების შესახებ ინსტრუქციის დამტკიცების თაობაზე“ საქართველოს სასჯელაღსრულებისა და პრობაციის მინისტრის 2016 წლის 11 ივლისის №89 ბრძანება;

პ) „სრულწლოვან მსჯავრდებულთა და ყოფილ პატიმართა რესოციალიზაციისა და რეაბილიტაციის მიზნით რისკისა და საჭიროებების შეფასების, აგრეთვე, ინდივიდუალური გეგმის მომზადების, განხორციელებისა და მონიტორინგის წესის (შემთხვევის მართვის წესი) დამტკიცების შესახებ“ საქართველოს იუსტიციის მინისტრის 2020 წლის 12 მარტის № 502 ბრძანება;

ჟ) „ინდივიდუალური შეფასების ანგარიშის მომზადების მეთოდოლოგიის, წესისა და სტანდარტის განსაზღვრის შესახებ“ საქართველოს იუსტიციის მინისტრის, საქართველოს შინაგან საქმეთა მინისტრისა და საქართველოს სასჯელაღსრულებისა და პრობაციის მინისტრის 2016 წლის 15 მარტის №132/№95/ №23 ერთობლივი ბრძანება;

რ) „შინაპატიმრობის აღსრულების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 28 დეკემბრის №146 ბრძანება.

საკონკურსო კომისიის მისამართი:

ქ. თბილისი, ალ. ყაზბეგის 42

საკონტაქტო ტელეფონები:

0322 222 800

საკონტაქტო პირი:

ანა ქუხილავა

დამატებითი მოთხოვნები:

ა) უმაღლესი განათლება, სასურველია იურიდიული, სოციალური მუშაობის, ფსიქოლოგიის ან განათლების მეცნიერებების მიმართულებით;

ბ) იურიდიული, სოციალური მუშაობის, ფსიქოლოგიის ან მასწავლებლად მუშაობის არანაკლებ 2-წლიანი გამოცდილება;

გ) სასურველია კომპიუტერული პროგრამების კარგად ცოდნა: Ms office Word; Ms office Excel; Ms. Office Outlook; Ms. Office PowerPoint; ელექტრონული დოკუმენტბრუნვის პროგრამის - „დესი“-ს ცოდნა.

დამატებითი ინფორმაცია:

• კონკურსში მონაწილეობას გააგრძელებს კანდიდატი, თუ საქართველოს მთავრობის ადმინისტრაციის მიერ ადმინისტრირებულ ვებ-გვერდზე (www.vacancy.hr.gov.ge) ატვირთული დოკუმენტაციით მოხდება მისი შესაბამისობის დადგენა ვაკანტური თანამდებობისათვის დაწესებულ ძირითად ფორმალურ მოთხოვნებთან;
• კანდიდატი, რომლის მონაცემებიც არ შეესაბამება ვაკანტური თანამდებობისათვის განსაზღვრულ ძირითად ფორმალურ მოთხოვნებს ან/და მის მიერ არ იქნება წარმოდგენილი სავალდებულოდ ასატვირთი დოკუმენტაცია, კონკურში მონაწილეობას ვერ გააგრძელებს;
• კონკურსანტმა შესაბამის გრაფაში სავალდებულოა, ატვირთოს შემდეგი დოკუმენტები:

- უმაღლესი განათლების დამადასტურებელი დოკუმენტი (დიპლომი); იმ შემთხვევაში თუ დიპლომი გაცემულია უცხო ქვეყნის შესაბამისი საგანმანათლებლო დაწესებულების მიერ, დოკუმენტს უნდა ახლდეს შესაბამისად ნათარგმნი და დამოწმებული დოკუმენტი ქართულ ენაზე;

- სამუშაო გამოცდილების დამადასტურებელი დოკუმენტი (დაკავებული თანამდებობისა და მუშაობის პერიოდის - სამსახურის დაწყების და დასრულების სრული თარიღების მითითებით) - უფლებამოსილი ორგანოს მიერ გაცემული ცნობა, ან არსებობის შემთხვევაში - შრომის წიგნაკი (ბეჭდით დამოწმებული სრული და კითხვადი ჩანაწერით). იმ შემთხვევაში თუ ცნობა გაცემულია უცხო ენაზე, დოკუმენტს თან უნდა ახლდეს შესაბამისად ნათარგმნი და დამოწმებული დოკუმენტი ქართულ ენაზე; დოკუმენტში გარკვევით უნდა ჩანდეს რა სპეციალიზაციით მუშაობდა, ან მუშაობს აპლიკანტი;

• ატვირთული უნდა იყოს, სულ მცირე, დამატებითი საკვალიფიკაციო მოთხოვნებით გათვალისწინებული სამუშაო გამოცდილების დამადასტურებელი საბუთ(ებ)ი.
• აუცილებელია, კანდიდატმა შეავსოს სამოტივაციო წერილის გრაფა;
• მიუთითოთ მინიმუმ ერთი რეკომენდატორის სახელი და გვარი, სამუშაო ადგილი, საკონტაქტო ტელეფონი და ელ.ფოსტა;
• ყოველ მომდევნო ეტაპზე მონაწილეობისთვის აუცილებელია, კანდიდატი აკმაყოფილებდეს წინა ეტაპისთვის განსაზღვრულ მოთხოვნებს;
• კონკურსის მეორე (კანდიდატის შეფასების) ეტაპზე გადასასვლელად კანდიდატის მიერ მოწოდებული ინფორმაცია და დოკუმენტები უნდა იყოს უტყუარი, სრულყოფილი და შეესაბამებოდეს განაცხადით დადგენილ ძირითად, სპეციალურ და დამატებით მოთხოვნებს;
• კონკურსი ითვლება გავლილად კონკურსის ყველა ეტაპის წარმატებით გავლის შემთხვევაში;
• კანდიდატის კონკურსის რომელიმე ეტაპზე გამოუცხადებლობა ან დაგვიანებით გამოცხადება წარმოადგენს კანდიდატის დაუშვებლობის საფუძველს, მიუხედავად იმისა, გამოუცხადებლობა ან დაგვიანება საპატიო მიზეზით იყო გამოწვეული თუ არა;
• კანდიდატები ვალდებულნი არიან კონკურსზე გამოცხადებისას თან იქონიონ პირადობის დამადასტურებელი დოკუმენტი, წინააღმდეგ შემთხვევაში კანდიდატი გასაუბრებაზე არ დაიშვება.

გადაწყვეტილების მიღების ფორმა და ვადა:

კომისია გადაწყვეტილებას იღებს ხმათა უმრავლესობით, განცხადების წარდგენის ვადის დასრულებიდან არაუგვიანეს 3 თვის ვადაში.